حمدى نورالدين يكتب{ا}عيش الحياة وانسى{ا}

 يا واد عيش الحياة وانسى

كل اللي عشته وكان

خلى كل الى كان ممشي
امشي عليه وافرح وابني حياة وكيان
متقولش مش قادر وأنك بجد تعبت
دوس على همك الفاجر وعاود الكلاكيت
إياك فى يوم تيأس قاوم متستسلمش
يا ابنى الحياة حلوة عيشها ومتكسلش
خلى الى جاى احلى ف الماضي متقلبش
وسيبها للمولي وللحزن متميلش
يا واد عيش الحياة وانسي
كل اللي حسيت بيه
داوعي الجراح بالصبر واتحلى بالأخلاق
بكره الظلام هيروح مهما تطول لياليه
ويجى النهار بالنور والهم يمشى يغور
وتعيش سعيد مسرور بالى أنت حاسس بيه
ربك كريم جواد هيعوضك بالخير
بس انت كون أواب وادعيه بكل يقين
اصلح فساد ذاتك واخلص بكل ضمير
وارجع زليل باكى واسعى مع الساعيين
وان زاد هم الدنيا عليك
ارضي وكن من الشاكرين
هتعيش سعيد فرحان
وهتبقى من الفايزين
يا واد عيش الحياة وانسى
واتركها للرحمن
تبقى سعيد مبسوط وكله فى الروقان..
#حمدى_نورالدين

حمدى نورالدين يكتب ♥︎ غزلان ♥︎

 غزلان والاسم على مسمى 

جميلة رقيقة وممشوقه 

وكأنها من حور الجنه 

سحرها ولا يمكن يتقاوم 

وعيونها بحور تغرق فيها

ورموشها سيوف تقتل بهدوء

والورد على خدودها مفتح 

والبسمه إلى بتطلع من الثغر 

تقتل فى العالم واتدبح

كل ما فيكي جريء فتان

فعلا غزلان 

وانا مهما كتبت فيكى كلام 

مش هوصف واحد ف الميه 

أنتى علشان تتوصفي بجد 

تاخدي فى تفاصيلك أعوام 

كل إلى اقدر اقوله انك بدر 🌕 

فى وجودك تحلى الأيام..

#حمدى_نورالدين                           #روائع_الهمس_الجميل

حمدى نورالدين يكتب ■ إلى اختشوا ماتوا ■

 مليون ذكرى ومليون تذكار 

وحاجات منك جوايا صحيح 

مقدرش أنكر 

بس أنتى كنتى غبيه بجد

طعنتي القلب إلى هواكِ وملتيه تجريح 

ولسه برغم اذاكِ عيزاه يغفر

ويعود من تاني لدنياكِ وينسى التبجيح

مغروره وفاشله وكدابه 

وكلك تقبيح

اتارى مثل (( إلى اختشوا ماتوا )) دا بجد صحيح..

#حمدى_نورالدين

حمدى نورالدين يكتب ●اتعودت عليك يا حبيبي●

 #اتعودت_عليك_ياحبيبي 

وعشت الحب ما بين احضانك 

انت هنايا وكل منايا تفضل طول العمر حبيبي 

ونعيش سوا أيامنا الحلوه 

وبكل غرام تسقينى حنانك 

اتعودت عليك يا حبيبي 

عمر حياتى ما تحلا بغيرك 

انت سعادة الكون فى حضورك 

لما بتبعد قلبي يعانى 

ويفضل يبكى ويبلى كيانى 

انت حبيبى وفرحة عينى 

لما بشوفك تبقى سعادة الكون غمرانى 

بنسى مشاكلى ويضحك شكلى 

واجرى عليك والأشواق وخدانى

ادخل حضنك مهد حياتى وبر أمانى 

وانسي الدنيا وانسي زماني 

اتعودت عليك يا حبيبي 

وعمرى ما هعشق حد انا تانى 

قلبي بعد هواك استكفى 

ووهب عمره ليك بتفانى 

انت حبيبي وانت نصيبي 

وانت بلادى وكل اوطاني

اتعودت عليك يا حبيبي 

روحى تروح لو غبت ثوانى..

#حمدى_نورالدين #روائع_الهمس_الجميل 

حمدى نورالدين يكتب {} سألونى {}

 سألونى؟ 

أنت بتكتب لمين 

قولتلهم بكتب لعيوني 

لحبيبتى وتاج رأسي وعمري

للقلب إلي غمرني بحبه 

للضحكه الحلوه الي بتروي 

للنظره الي بتشرح صدري 

للإيد إلي فى حزني تطبطب 

للحضن الى بيئويني 

انا بكتب للأنثى الأنثى 

للست إلي جمالها اسرني 

للمرأة إلي وجودها بقربي 

كملنى المولي وجملني..

#حمدى_نورالدين

حمدى نورالدين يكتب [] بكتبلك بشوق وحنين []

 بكتبلك بشوق وحنين 

ونار الهجر ماليه العين

دموع وانين 

وبقولك انى فى بعادك 

جريح بنزف وكل مشاعري تعبانى 

جوايا ألم قاسي 

ونار قايده وعذاب راسي 

بيتلذذ بتعذيبي 

ويتراقص على جراحي

ومين هيحس بدموعي 

وقلقي وخوفي يا عيونى

حنيني إليكي غريب 

بيقتلني بدون حاجة 

ولما بتأملك واكتب 

بتتولد فيا مية حاجة

يا حب العمر يا عمرى 

يا كل امالى سمعاني 

انا ضايع بدونك صدق 

وأنتى سبيلي وعنواني..

#حمدى_نورالدين

حمدى نورالدين يكتب■عشقتك وأنتهى أمري■

 

هجرتك يمكن أنسي هواك
ومن يومها وأنا وياك
لا قادر اشوف انا غيرك
بقيت منك ودايب فيك
حياتى ماتحلا غير برضاك
بريء قلبي ضعيف العوم
نزل بحرك غرق في هواك
حبيبي تعالى طمني عليك لا تغيب
بلاش تقسي بلاش تنسي
ماليش غيرك بجد حبيب
بعادك عنى جنني
وخلى الحزن ساكني
راحتي وكل افراحى مكانها عينيك
أنا ضايع ومتبدد ومن غيرك يلملمنى
حبيبى تعالى واسمعنى
وسيبنى فى حضنك الدافى ومتعنى
بجد وحشنى يا عمرى
يارب لعهده رجعنى
ماليش غيرك ومن دونك اتوه واحتار
وتبكى عيوني في بعادك وتذرف نار
وقلبي وروحي تشتقلك
وكل كيانى يعصانى ويندهلك
بقيت إدمان
تعالى حبيبي وارحمني انا تعبان
عشقتك وأنتهى أمري
وصرت لقلبي وعيونى
وكل مشاعري بجد أمان..
#حمدى_نورالدين

الشاعر حمدى نورالدين يكتب[■] بما ان الكون كله مصالح[■]

 بما ان الكون كله مصالح 

قررنا نصفح ونسامح 

ونعيش أيامنا لوحدينا 

ولا نشغل بالنا فى يوم بيهم 

لا عتاب هيفيد ولا حتى ملام 

هنقول ونعيد ونزيد ف كلام 

والطبع هيفضل دوم غالب 

إلى يفضل يا هلا ومرحب 

وبكل شهامه احنا اخوانه 

والى يمشي عادى وماله 

الى اتربي على الخير يفرق 

والناقص هيعيش عمره يدور 

ازاى يكمل 

اما الشبعان هيعيش ويموت شبعان 

طبعنا بالصدق نحليه 

واخلاقنا علامة وتاج يضوي

والكون دا بحاله كمان يشهد 

 لا فى مرة خنا صديق يعني 

ولا يوم قصرنا ف حق غريب

شكرا للناس الى بتفهم 

حق العشرة والعيش والملح 

للناس إلى فى وقت الشده 

بتشيل وتداوى باديها الجرح 

الناس الى وجودهم جمبي

بيسعد قلبي 

ويخلى حياتي سعادة وفرح..

#حمدى_نورالدين

حمدى نورالدين يكتب(( بحبك وأنتهى الموضوع))

 سألونى عن سبب فرحى 

ضحكت وقولت بهواها 

وكل العمر دا فداها 

ولو يوم زودت جرحى 

يا محلى الجرح ف هواها 

بيها الأمان يكمل 

وفيض من الحنان يظهر 

يغمرنى بهدوء وسكون 

ويروينى غرام أخضر 

ربيعة غير ربيع الكون 

بيرسم سعادة الدنيا ف ملامحى 

ولو ببكى وكلى الاآم 

عيونى فرحها متشاف 

مانيش خواف 

واتحدى الدنيا واحملها كرمالك 

على الأكتاف 

ولو هعيش بكره من غيرك 

ميلزمنيش 

يا قطعه منى يا حياتي 

يا تاج راسى يا مولاتى 

يا عشقي الوحيد فى الكون 

مافيش غيرك فى نبضاتى 

ومهما القلب كان موجوع 

أو عانا وكب دموع 

بحبك وأنتهى الموضوع..

#حمدى_نورالدين

الشاعر حمدى نورالدين يكتب(( إياك للهوا يوم تستسلم))

  

إياك للهوا يوم تستسلم
وتسلم قلبك ولا تميل
هتعيش طول عمرك تتألم
وحياتك تبقى بكاء وعويل
هتقول أنا غير كل العالم
أنا واد فى الهوا والعشق خطير
ولا حد هيقدر يغلبني
هتعيش الدور فتره وتيجى
وتقول أنا كنت غريق مسطول
وبصوت مهزوم منحور
هتقول اسمعوا منى
نفسى ارجع تانى سعيد مسرور
ولا حد هيسمعلك كلمه
والكل هيتريق بالدور
وهتنزل فجأه دموع عينك
وهتبقى حزين باهت مكسور
ولا شكلك راح يفضل شكلك
كل الأوجاع ساكنه ملامحك
تايه شارد مطرود مقهور
تندب حظك ميت مره
ومليون مره تسب براءتك
علشان حبيت من وجدانك
ويمر العمر وبيك يجرى
وانت ولا دارى بمشوارك
لا بتحسب كام من عمرك فات
ولا كام احساس وشعور جواك مات
عايش بتحب في وهم غريب
وبتسعى لقتلك ودمارك
مالك؟
ما تفوق وبلاش استبسالك
ملعون الحب الى يبدد
أعوام من عمرك قدامك
ملعون الحب اللى يزود همك
ويفاقم أحزانك
الحب الصح اللى يشد عزمك وقوامك
ينصب عودك
ويخلى الناس كلها تتمنى مكانك
الحب الصح اللى يخلى أفراحك تنسف أحزانك ..
#حمدى_نورالدين