الشاعر حمدى نورالدين يكتب حبيتها ياهوووه

الشاعر حمدى نورالدين يكتب ((حبيتها ياهوووه ))

حبيتها يا هووه
وأنا قلبى ياهووه
بيدوب فى ليالى الشوق ويتووه
رقة فراشات وشموخ ملكات
سبحان من صور تفاصيلها
عليها رموش تقلش سيوف
تقتل من حاول يغازلها
حبيتها يا هووه
وأنا قلبى ياهووه
بيدوب فى ليالى الشوق ويتووه
عليها عيون تسحر الفات
ودلالها جميل مثل الاميرات
اموره ياناس ربى يصونها
حبيتها وهفضل وياها
عاشق ودايب فى هواها
بهواها وقلبى مالوش غيرها
حبيتها يا هووه
وأنا قلبى ياهووه
بيدوب فى ليالى الشوق ويتووه
لما بتضحك يفرح قلبى
والكون حوليا بيتنطط
ضحكتها نغم وطرب
يتراقص ليها الشوق عندى
يركض قلبى عليها بكل حنين
ويشوف الدنيا بلون وردى
حبيتها يا هووه
وأنا قلبى ياهووه
بيدوب فى ليالى الشوق ويتووه
لها رقة صوت بلسم بيفوت
على كل مسامعى يغازلها
جمال وانوثه وعذوبه
وحاجات جميله مافيش منها
بهواها ياناس وأنا دبت خلاص
عاشق لياليها متيم بيها
سابح فى هواها
واللحظه معاها
بتساوى الدنيا بحالها
حبيتها يا هووه
وأنا قلبى ياهووه
بيدوب فى ليالى الشوق ويتووه
هفضل مشتاق
على طول مشتاق
فى البعد لقاء
فى القرب عناق
ولا يمكن تبعدنا المسافات
مرسومه صورتك فى عنيا
وقلبى دقاته باسمك
وعقلى مشغول بيكى تملى
وشارد فى جمال عطرك
حبيتها يا هووه
وأنا قلبى ياهووه
بيدوب فى ليالى الشوق ويتووه

30-5-2018  

#حمدى_نورالدين