الشاعر حمدى نورالدين يكتب ■ يوم فراقك ■

 يوم فراقك قلبى سابنى 

لما غبتى كان مماتى
كل شعرى وحكياتى
حروف وبس
الاسم عايش
والحقيقة كلى نعش
قولت بكره الأيام تمر
شيء كئيب وشيء يسر
وادينى عايش
يوم فراقك كنت طايش
كل شيء عندى عادى
ايه يعنى حب وراح
حبة جراح بكره تطيب
والآلام ياما شفنا منها
كله عادى كبر وسيب
كنت فاكر انى هنسى
كل لحظه وكل همسه
وان بكره هيبقى احلى
وانى هبقى كمان سعيد
مكنتش اعرف أنى غرقان ف الهوى
وان قلبى خلاص بعيد
يوم فراقك روحى راحت
كل حاجه فى عينى حلوه
منى طاحت
حتى حروفى لما غبتى
عنى شاخت
صابها الكبر وبجد باخت
يوم فراقك موت اكيد..
27_9_2019
#حمدى_نورالدين

الشاعر حمدى نورالدين

مسائى أنت وكل حياتى
حبيبتى أنت ومولاتى
ياحبيبة قلبى ودوائى
اهواك حقا اهواك
اتنفس عشقك ياقمرا
ينير حياتى وسمائى
يانبض يحيينى خذينى
فى حضنك دفينى
واسقينى حنانك اسقينى
يانهرا عذب ودماء تسكن شراييني ..
#حمدى_نورالدين

x

الشاعر حمدى نورالدين

وهرجع تانى وهكمل
 وهكتب شعر بلون تانى
لو فاكره ف بعدك هتألم
تبقى أنت أكيد مش عرفانى
أنا قلبى فى الهجر معلم
ياما حير قبلك ستات
هتقولى عليا أنا خاين
وضحكت عليك بإسم الحب 
أنا عمرى ما كنت ف يوم خاين
ولا مره مارست عليك الكدب
أنا كنت بحبك ودا ذنبى
اخلصت لشيئ من غير قلب
 فالأفضل انك  تنسينى
وتعيشى حياتك من غيرى
ولو قلت فى يوم إن أنا آسف
ارجوك اوعى تسمحينى
 هتقولى نسيت وكلام فاضى
وتبصى شمال وتبصى يمين
وتخبى عيونك م العالم
 شيفانى الناس جواك ساكن
صورتى فى عيونك فضحانى
محتل مشاعرك احساسك
وكيانك كله بيعشقنى
 طب قولى ازاى راح تنسينى
أنا كنت بحبك مره زمان
دلوقتى أنا عاشق سمعانى
 برسلك كل لحظه سلام
 من كل مشاعرى ووجدانى
 وبقولك أنت حبيبة العمر
وحشانى عيونك وحشانى
فتعالى نلم الشمل قوام
ونعيش أنا وأنت بكل سلام
كفيانا بعاد وعناد وخصام
هستنى رجوعك احضانى..

#حمدى_نورالدين