الشاعر حمدى نورالدين يكتب []● يا مصر مالك ●[]

حمدى نورالدين

✍ يكتب 👇

يا مصر مالك
ايه جرالك
كل يوم أحداث غريبه
حالك مش هو حالك
كل إلى فيك ليل
ظلامه حالك
كل مايجى بنا يبنى
يطلع فاجر يقتله
وإلى علشان تذكرة
بنموته ونبهدله
يااااااا المسخرة
وإلى بيموت فى شبر ميه
وكهربا
انت أكيد مستغربه
يا مصر مالك
دول شبابك
دول ولادك
دول سلاحك
دول عتادك
وقت الشدايد دول رماحك
إلى تمزق العدا صدقينى
ياضى عينى
افهميهم وافهمينى
ارحمينا شبعنا غلب 
أما النخبه دول حراميه
وقت الجد اساتذة كدب
النفاق شربينه فى ميه
اصحى وفوقى يامصر كفايه
طعم الظلم حنضل حنضل
بدعى المولى ليك تملى
إن جراحك تشفى وتدمل
عارف انك بردو جريحه
وفيك من الطعنات الفات
صعبان عليك حال الحى
وبتبكى دم على الى مات
على شهدائك مليون رحمه
وعلى الأحياء برود الرحمه
بس كفايه دموع وآهات
انت البلد الحر الصلب
ميهزوش شغل العصابات
بكره هيبقو فى خبر كان
وأنت يا مصر هتبقى كمان
حدوته وتاريخ أزمان
مذكوره فى نص القرآن
محفوظة بفضل الرحمن..
#حمدى_نورالدين

الشاعر حمدى نورالدين يكتب ()//وجع الذكريات //()

آه من وجع الذكريات
والحنين لناس غايبين
آلام  بتشق فى قلوبنا
كما السكاكين
نقابل مين مدام غايبين
مفيش فى الكون دا كله بشر غيركم
أنا تعباااان وقلبى جوايا بيتقطع
ودمع العين مسابنيش ولو لحظه
ونار البعد قتاله فين الرحمه
خلاص يازمان كفايه حرام
أنا مليت من الدنيا
شبعت آلام..😥😥

#حمدى_نورالدين

الشاعر حمدى نورالدين

خذنى إليك فلم يعد بالعمر باقى 

طال الغياب ياكل عمرى 

وحنينى ابكى اشتياقى 

والقلب انهكه الإنتظار 

والنار تحرق أدق اعماقى.. 

#حمدى_نورالدين 

Hamdynooreldin@gmail.com 

الشاعر حمدى نورالدين يكتب [][] بينى وبينك [][]

بينى وبينك كل محبه
 بينى وبينك شوق وموده
 وشيء مألوف
 بينى وبينك كل جميل
 يبقى بلاش خوف بقى وكسوف

اضحكى غنى
وارسمى حلمى ما بين احضانك
 انت حياتى
 وفرحة عمرى وشمسى وقمرى
 عادى اموت لو كان علشانك
 يبقى بلاش احزان ودموع
 ياله نعيش الحب تعالى
 وانسى الدنيا وانسى الناس
 خليك معايا فى حضنى تعالى
 نعيش الحب والإحساس..
 #حمدى_نورالدين

الشاعر حمدى نورالدين يكتب◇[] ايه رأيكم []◇

ايه رأيكم لو اقلكم أنا قد ايه مشتاق لها
بس اسمعونى بقلبكم من فضلكم
أنا كنت ضايع قبلها
ووجدتها وروحت ساكن قلبها
وجوه منى رسمتها
ملاك رقيق حلو وبرىء
وانا مش جرئ
علشان اقبل كفها
من بعدها قلبى اكتفى
رفرف وطار فى الهوا
وبين ايديها داب واختفى
لحظة صفا والشوق بيكبر
والدفا فى حضنها طعمه سكر
والاشتياق بقى وضعه أخطر
فى قربها تحلى الحياة
وف بعدها احزان بتكتر
اوجاع من شبابى عماله تنخر
والهموم تزيد وتكبر
واشتياقى دا مش حروف
أو جملتين فى بيت قصيد
اشتياقى دا نار بتاكل الحديد
وممكن اكتر
أنا والاشتياق حكاية 

ليل ممدوه
لها بالقلب انشوده
عنوانها كلى لكم
ايه رأيكم..
#حمدى_نورالدين

الشاعر حمدى نورالدين يكتب ●[ أجمل الأمنيات ]●

ستظلى أجمل الأمنيات
وكل الحكايات
التى ساقصها على اطفالى
ستظلى حبى الوحيد
وقصيدتى المميزه
من بين كل اشعارى
سيبقى الحب رغما عنا
لن يموت
لن تهزمه المسافات
ولا الشوارع والبيوت
سيبقى قلبى كما عرفتيه
لا يكل ولا يمل من الهوى
وسابقى أنا عاشق مخلصا
لن أحب سواك
فى هواك أفراح عمرى
تزدهر
بركان عشقى ينهمر
واكون قيص ثم عنتر
ثم روميو ثم حمدى
افرح ياقلبى
غرد وغنى واكتب قصايد
احضن حبيبتك
ثم دوب ما بين ايديها
وانسى كل الناس
ما أنت الى فزت بحبها
وشغلتها وسلبت منها قلبها
محظوظ يا حمدى
ماهى اصلها
فاقت كل البنات بحسنها
لا تقولى ليلى ولا حتى عبله
ولا جولييت
كل دول جمبها ولا اى حاجه
واكتر كمان
أنا مش ببالغ
اصلى معزور قلبى والع
فى حبها شارد وضايع
دى الحقيقه كلها
ممكن ياناس حد يروح يقولها
إن أنا كلى لها
فى بعدها زاد حبها
وبقيت عليل
روحت اكشف
كل الأطبا قالوا خير
كل إلى عندك سهل وبسيط
كام جرح حب حبة خزلان وقهر
غش وخيانة ياااااه دا كله غدر
لحظه يا ابنى فيه حته سوده
أما اشوف سببها ايه
الواضح أنها آثار حريق رهيب
عادى يا ابنى متقلقش ممكن تطيب
بس أنت اصبر
وخد علاجك بانتظام
قلت حاضر
بس قل لى الوصفه ايه
قال تشوفها كل يوم
قلت صعب ومستحيل
قال كلمها حتى فون
اسمع صوتها ثانيتين
قلت بردو مستحيل
قال أسأل عنها من بعيد
عيش الحب بكل حب
ادعى ليها ف السجود
يمكن بكره تشفها صدفه
تحتضنها وتحتويك
والجراح منك تغيب
وإلى كنت تعانى منه
يبقى حب وشوق جديد
والسعاده تعم ذاتك
بس اسمع يا ابنى منى
والنصيحه احفظها صم
لما قلبك يبقى عاشق
كل حاجه ليها طعم
يعنى حب بكل قلبك
انسى همك وارمى حزنك
عيش حياتك
خلى بكره يكون اهم ..
#حمدى_نورالدين