مجلة روائع الهمس الجميل : الشاعر حمدى نورالدين يكتب أشتاق لك

مجلة روائع الهمس الجميل : الشاعر حمدى نورالدين يكتب أشتاق لك: أشتاق لك ما بين الثانيه والأخرى آلاف المرات مع أنى لم اجنى من حبك سوى آلام وآهات دقات قلبى إليك ليس كمثلها دقات تجمع إحساسنا سويا بين عب...

مجلة روائع الهمس الجميل : الشاعر حمدى نورالدين يكتب يا ليتها تعلم

مجلة روائع الهمس الجميل : الشاعر حمدى نورالدين يكتب يا ليتها تعلم: يا ليتها تعلم #بقلم حمدى نورالدين يا ليتها تعلم أنى بها مغرم وان حبها جنه بها أنعم يا حبيبتى يا صديقتى يا كل ما لى فى الحياة أنا م...

الشاعر حمدى نورالدين يكتب يا ليتها تعلم

يا ليتها تعلم
#بقلم حمدى نورالدين

يا ليتها تعلم أنى بها مغرم
وان حبها جنه بها أنعم
يا حبيبتى يا صديقتى
يا كل ما لى فى الحياة أنا مغرم
أذوب لو تبسمتى
واتوه لو تفوحتى من عطرك اثمل
اثمل نعم اثمل
يا ليتها تعلم
ان الفؤاد متيم وان الحياة بها اطعم
يا ليتها تعلم
كل ما فيك جريئ
يسحرنى ويقودنى
الى حدفى ولا اعلم
سبحان من رسم العيون والرموش والقوام
وخصك بالرقة والحنان
وجعل منك زوجة وحبيبة وشقيقة وابنة
وأم تحت أقدامها جنة الرحمن
أنا يا حبيبتى أهواك حقا
واموت لو غبتى عنى
أنا بدونك لا أحيا ولا أنعم
عندما أرى عيناك أضيع واسكر
اسكر نعم اسكر
من شفتيك قطفت الورد
وعلى يداك سئمت البعد
على وجنتيك زرعت قبلاتى
ورويتها بعمق احساسى
جعلتك ملكه على عرش قلبى
ووهبتك اسمى وذاتى
اسميتك حبى وكل اشيائى
أنت السعادة والهناء
أنت الجمال والبهاء
أنت قصائدى الجميله
وانت الأنثى التى احببتها وعشقتها
أنت السلام والرخاء
يا ليتها تعلم
يا ليتها تعلم
انى بها مغرم
واننى عاشق والعشق لا يرحم
يا ليتها تعلم ..
20-2-2018
#حمدى_نورالدين

الشاعر حمدى نورالدين يكتب اتقابلنا

اتقابلنا
#بقلم حمدى نورالدين
اتقابلنا
وارجعنا تانى للسكات
واللعثمه وحمرة خجل
كان فى عنيها حاجات
ومشاعر مليانه قبل
بس ياريتها اتكلمت
او سلمت
كل الى كان فيها خجل
رقه وكسوف وتاج جمال
كده من حياء
والوقار جمل ملامحها الجميله
وانا قلبى سلم
للبهاء والضياء
وضعت ما بين المشاعر
والأنوثه
وفضلت هايم فى حسنها القتال
اكتبلها فى الشعر واسكر
من عنيها
واعزف لها مليون قصيده
بألف نهج ومية مقال
كداب الى قال
ان العيون مفهمش سحر
وان القوام ولا اى شكل
العيون بالشكل بحر
موجه هادى وكله سحر
والقوام معنى الأنوثه
والدلال على أحلى خصر
وانا قلبى طفل
لسه فى الغرام جديد
بس الأكيد
ان كل الخلق ليها مشاعر
والحب مابيفرقش
 مابين صغير أو كبير
بيدق القلب فى أى وقت
ويخلقك انسان جديد
اتقابلنا بكل ود وكان الجو متهيئ
انى اقول بحبك وانى عاشق
وكل ما اجى اقول
لسانى فى بحور الهواء يغرق
ويغرقنى معاه فى بحور
والف وادور
مابين شطين وقلبى مشطور
على نصفين
همسه نار فى البحور تحرق
ونبضه متوازى على ايقاعين
أحبك عايزك
بس مين يفهم سكوت حبيبين..
2-2-2018
#حمدى_نورالدين

الشاعر حمدى نورالدين يكتب أشتاق لك

أشتاق لك ما بين الثانيه والأخرى آلاف المرات
مع أنى لم اجنى من حبك سوى آلام وآهات
دقات قلبى إليك ليس كمثلها دقات
تجمع إحساسنا سويا بين عبير الأشواق
اهواك بمعنى الكلمه
حتى صرت استنشق هواك استنشاق
ستظل حكايتنا أنشودة كل العشاق
وستظلين أميرة قلبى وأظل انا المشتاق
ف حياتى من غيرك انت فعلاً لا تطاق
دعينا ننسى الأحزان ونغرد بين الأغصان
دعينى أقبل شفتيك يا زهرة كل البستان
إنى اهواك وسواك لن يسكن قلبى انسان
دعينى اغفوا بحضنك فحضنك نعم الاحضان
أشعر انا فيه بإرتواء قلبى الظمئان
كل جوارحى تناديك وانا اعشق كل ما فيك
من رأسك حتى الأقدام
إن كنت فى حبك أخطأت
فالآن حبيبتى أدركت
أن العشق لغيرك ليس بعشق
وان الحب بين زراعيك والرفق
فانت أميرة قلبى وشغفى وحنينى وحبى
واننى من قبلك انتى لم أعرف ابدا معنى الحب
يازهرة عمرى وحياتى ياشعرى وكل ابياتى
يا منا القلب يا حب الحاضر والاتى
يا عبير شعرى وكلماتى
يا امرأة أخذت قلبى وملكتنى
وبين رموشها اسرتنى
يا امرأة بكل لغات الحب احبتنى
يا امرأة إن أخطأت عزرتنى
وإن أصبت مدحتنى
وإن غارت على بالحب غمرتنى
وبنظرات عيناها الجميلتين هزتنى
سلبت وقارى وقتلتنى

أشتاق لك 

8-11-2015

♥#حمدى_نورالدين ♥ 

الشاعر حمدى نورالدين يكتب خلينا اخوات

بعد سنين فى الحب وناره
جايه تقول خلينا اخوات
استغربت استنكرت
شجبت ادنت
حسيت قلبى كله جروح
وبقيت تايه
بس خضعت
استرجعت شريط الماضى
ووقفت مكان ما بدأت
أضحك وابكى بصوت مجروح
واكتم صوتى بايدى وانوح
راحت روح إلى بيهواك
حتى القلب صبح ممسوح
  ثم ضحكت بكل جرأة
قمت وقفت وكلى شموخ
قلت أنا عادى نبقى اخوات
بس ياريت تفتكرى زمان
وكام من عمرك وانت معايا
عدى وفات
وانك كنت عاشقه هوايا
وان ما بينا حاجات وحاجات
عايزه البعد عادى
مافيش ولا حاجه
يمكن لما تسيبى الحب
تبقى سعيده أو مرتاحه
وانا من قلبى بتمنالك
عيشه هنيه وفرح وراحه
بس ياريت أنا ليا رجاء
ولا خلاص حتى كلامى
مالوش أوقات
قالت سيبنى ابعد عنى
احنا بنكبر وبنتربى
جوه بيوتنا
وعنها بنرحل للمستقبل
وتفضل هى مجرد ذكرى
وعمر وعدى
تقدر تنكر
قلت أنا لأ
بس القلب بيفضل شايل
كل حنينه
لأجمل أيام عمره وأحلى سنينه
عادى ياستى
سيبك منى وعيشى حياتك
ربنا يسعدلك اوقاتك
بس ياريت زى ما اخترتى البعد
تبقى وفيه حتى لنفسك
يعنى لو يوم قلبك حن
دوسى عليه
كام عاشق فى الحب انجن
ولا لاقى حد يدويه
انا مش زعلان ولا حتى هلوم
كله متقدر مقسوم
والاوجاع من حظى تملى
وانا راضى ومسيرى هاقوم
أنا قلبى لساه شغال
والحب افراح بتدوم
مش حزن واوجاع وكئابه
مش بعد ورحيل وهموم
عيزانا اخوات نبقى اخوات
بس ياريت تفهمى حكاويك
قصد كلامك كل ما فيك
هيبقى عليك
انا ماشى وسلامى اليك
فى رساله من خط اديك
مكتوبه من حبر مشاعرك
كان عاشق دلوقتى نسيك..
2-2-2018
#حمدى_نورالدين

الشاعر حمدى نورالدين يكتب......أيوه بغير

أيوه بغير
أصلى أنا عاشق
حب بكل إخلاص وضمير
حب بكل كيانه
قلبه رقيق زى العصافير
بس الطبع شديد وغيور
وإلى يحب يخاف على حبه
إحنا صعايده بنعرف نعشق
لينا فى الحب طريقه ومبدأ
والاجداد قالولنا زمان
لما تحب حب برونق
حب بكل مشاعرك وأغرق
أصلى الحب مالوهش حدود
شيء بينمى الإحساس
ويخلى الدنيا ورود فى ورود

ربونا على المبادئ والقيم
علمونا التضحيه ويا الصمود
علمونا ازاى نحافظ
ازاى نحب ازاى نصون
ازاى نكون وقت الغرام
بركان يثور يشع نور
علمونا أن البنات نن العيون
هما الشرف هما الترف
هما الحصون
علمونا ازاى نضحى
بكل غالى
ولا اننا فى يوم نخون

علمونا ان المبادئ والقيم
هما الميراث هما التراث
هما أساس المجتمع
وان الحياة منبع ألم
واللى تخلى صعيدى يحبها
لا يمكن تندم
اصلنا ناس بنحب الطيبه
وقلبنا طيب
والطيبه اسلوب حبيبه
بس الغيرة فى طبعنا قابعه
ودمنا نار بتهب وقايده
مبنعرفش غرور وتكبر
وقلوبنا من نهر الحب راتعه وشاربه
ولما نقول إننا بنحب
تبقى بصدق طالعه ونابعه
والستات عندينا لآلئ
ليهم جوه قلوبنا مرافئ
أما عقولنا ليهم فيها
أغلى مبادئ ..

16-1-2018
#حمدى_نورالدين

الشاعر حمدى نورالدين يكتب مشتاق أنا

مشتاق أنا
بقلم حمدى نورالدين
مشتاق أنا
ومين يشعر باشتياقى
غير فؤادى
ومين غيرك يا ضى عينى
هيواسينى
فى محنتى
ومين يطفى بركان
حنينى ولهفتى
يا كل ذاتى
يا بداياتى ونهاياتى
يا فرح قلبى
وتفاصيل حياتى
ياعمر عدا وعمر آتى
مشتاق أنا
ياحضن دافى
يا نبض صافى
الود ودى احضنك
وبكل حنانى اغمرك
واحسسك بحبى ليك
واحتويك
وادوقك معنى الغرام
وجنونى بيك
انت مش عارفه الحقيقة
فى الحقيقة أنا قلبى حبك
والغريبه إن نفس الحقيقة
حرمانى قربك
بس انا بطلت ألوم
سلمت امرى للى خلقنى وخلقك
ورضيت اعوم
على كل دفه وكل وموجه
واقول نصيب
خلاص بقى كل شيء عادى
وبالكئابه مليون كئيب
بس انا مشتاق
قتلتنى قسوتك يا فراق
مبقتش قادر على الخداع
والتظاهر بالسعادة
أنا كرهت الاصتناع
نفسى أعيشها عادة
نفسى أضحك من كل قلبى
وحضنك يبقى الوسادة ..
3-2-2017

#حمدى_نورالدين