الشاعر حمدى نورالدين يكتب ■ كنت فاكر ■

كنت فاكر
كنت فاكر ان بكره
هيبقى أجمل من النهارده
وانى هنسى إلى فات
وابدأ حياتى من جديد
وامحى كل الذكريات
وانى هعيش مبسوط وعادى
مره فرح ومره لعب ومره ضحك
وانى هبقى طاير من السعاده
كنت فاكر انى هنساك كمان

وانى هحب غيرك

وانى هلاقى مليون بديل
ماهى البنات كتير
مش هتوقف يعنى عندك
عادى بعدك زى قربك
كنت فاكر ان حبك شيء بسيط
أمر سطحى
حب عابر
حبة مشاعر
مع الأيام تنتهى وتزول
مكنتش اعرف ان حبك
ممزوج بقلبى
دم شريانى ونبضى
وانك ساكنه في نن العين
كل البنات فيها صورتك
همسك وحكاويك حتى عطرك
لسه عالق جوه منى
حتى ايام الدراسه
والسطور والامنيات
والصدف إلى جمعتنى معاك
والقصايد والاغانى
لسه جوايا بكل الحالات
يوم لقاك يوم ميلادى
امر عادى لناس كتير
بس ليا كان وجود
أجمل تواريخ العمر
يوم ما دق القلب ليك
يوم ما حبك
شاف جمال الكون فى نظره عينيك..
#حمدى_نورالدين