الشاعر حمدى نورالدين يكتب []■ والله بجد وحشانى ■[]

ببعتلك يوماتى سلام
ياريته بس يوصلك
يوصفلك حنينى إليك
يعبرلك عن مدى شوقى
ويقولك
انك بجد وحشانى
ومن غيرك حياتى سراب
عايش اسم بلا معنى
فارجعى لحضنى احسن لى واحسنلك
بكتبلك كل يوم فى خواطر
وشعر من صميم قلبى
وادارى شوقى واحساسى
بخاف للحب يفضحنى
ويفضحنى حنينى إليك
ومن غير قصد بلقينى
اذكرك كل شيء فيك
ضحكتك وعيونك الحلوة
تسريحتك وفستانك
ذوقك والوانك
رقتك ودلالك
ورموشك إلى قتلانى
واقول تانى والله بجد وحشانى
وافضل اتامل فى محياك
يخدنى الشوق وادوب م العشق
وانادى بأعلى صوتى عليك
وأقول اسمك بكل الحب
يفيض الدمع من عينى
ويبكى القلب
قساوة البعد تموتنى ولا استسلم
واعود من تانى علشانك
وروحى ليك سبقانى
تفوت على الجمر كرمالك
واقول تانى والله بجد وحشانى
وكل الناس تقول مجنون
عشان الحب يعيش مهموم
ما ادينا عايشين لا نعرف حب

ولا غيره

دا كله كلام فاضى
احنا الى حبكينو وعملينو
غلابه الناس ياريتهم حتى عرفينو
ياناس الحب مافيش زيه
قمر بيسهر العشاق على ضيه
طبعه حنون وكله جنون
وأنا المجنون
إلى مافيش فى البشر زيه..
#حمدى_نورالدين