الشاعر حمدى نورالدين يكتب ■يا أجمل نساء الأرض■

يا أجمل نساء الأرض
يا كل العمر يا عمرى
يا نبض طالع من القلب
بحبك جد من صغرى
بموت ميت مرة فى غيابك
فى قربك اجمل سنين عمرى
يا أجمل نساء الكون
أنا مفتون
وكلى وله وحنين
وشوق بيهد فيا
واشتياق مصاحبه آنين
بقيت تايه
ومش عارف أنا أطلع مين
يا أجمل نساء العالم
وحشتينى تعبتينى
اسرتينى
وكل لحظة ف بعادك
دموعى سايله من عينى
يا أجمل نساء الأرض
بعدك دا لو كان فرض
هكون عاصى
واحطم كل شيء قاسى
بس حنى وسامحينى
يا أجمل نساء الكون
وحشتينى..
#حمدى_نورالدين