الشاعر حمدى نورالدين جادالكريم يكتب آخر قصيدة

آخر قصيدة بصوت حزين
بكتبها ليك
وكل حرف وكل كلمه
مقصودة فيك
أنا مش هكتب خيال
أنا هكتب حقايق
كنت بشوفها فيك
فاكره زمان لما كنت عريف مجند
لما كنت بخدم فى العسكريه
فاكره لما كنت بقول بحبك
وتسمعيها همسه حلوه شجيه
كنت فعلا عاشق متيم
شايفك ورده حلوه نديه
فاكره لما كنت بسهرلك ليلاتى
وبيك اهاتى
وافضل أتأمل حروفك
واكتبك فى شعرى واوا
وأنت فى الحقيقة أحلى وأجمل من الحلاوة
أيوه واوا وهمزتك ع السطر تجرى
واسمك متنقى نقاوة
زى نانا واحلى منها
وتفوقيها فى الأناقة
وانا والجخ حيارى
والقلب بنار الحب مكوى
كنت طول الليل بغنى ويا كاظم
كنت دايب فيك هايم
وارسمك قدامى قمره بتضحكيلى
واسمع صوتك العذب الجميل وانت بتندهيلى
دى الحقيقة إلى عمرى ما بوحت بيها
فاكره زمان لما كنت بقول بحبك
وأنى عايزك
تبقى جمبى فى حياتى إلى جاية
فاكرة لما قولتى هتندم
وبعتى بإيدك القضية
كنت متمسك لأخر عمرى بيك
كانت وخدانى العنترية
كنت فاكرها مغامرة أو خناقة
كنت على إستعداد أموت
بس أعيش لو لحظة جمبك
عمرى ما اتخيلت إنى أكون ضحية
آخر قصيدة بصوت حزين بكتبها ليك
من النهاردة قلبى مات
مين بقا هيحس بيك..

9-12-2017

#حمدى_نورالدين