كنتى غلطه متتنسيش
زى جلطة الدماغ
ازاى بعدها ممكن اعيش
بس انا قلبى صلب
لعب العيال ميهزنيش
كنت شايفك ورده طاهره
كلها رقه وجمال
وطلعتى ف الحقيقه متساويش
قلبى الرقيق اهلكه الهوى
حين هوى ذاق المرارة والنوى
من اجل حب لا يليق بحسنه
وما ذنب العاشق فى الغرام
إذا هوى
كنتى غلطه
أيوه غلطه متتمحيش
ليها مليون علامه جوه منى
إلى جرح وإلى غدر
وإلى غش وإلى مر وإلى والى
متعديش
اما فرح او سعاده او هنا متلقيش
أنتى إلى اخترتى الوجع
دوقى زى ما دوقت منك
اشربى ومتساليش
متلوميش على حد غيرك
الى يختار السراب
يبقى يشرب من خياله
يرضا بكل الى جاله
كملى ومترجعيش
كنتى غلطه غلطه مره
طعمها جوه منى
بس انا انسان طموح
والجبال متهمنيش
انتى غلطه متتغفرش
حاله متتوصفش
كل الى فيك غش
لابسه مليون قناع
وبتتلونى على ألف وش
كلك غدر وخيانه
كلك كدب ورياء
عامله نفسك وفيه
بس فين هو الوفاء
انا بجد آسف
على كل احساس
حسيته ليك
وكل نبضه نبضها قلبى
وكل همسه من شفايفى
وكل كلمه قولتهالك
مكنتش اعرف انى هالك
انى ضايع مابين خيالك
مكنتش اعرف انك غلطه
وانك ليل ظلامه حالك
كنتى غلطه..
2-2-2018
#حمدى_نورالدين
ليست هناك تعليقات:
إرسال تعليق