الشاعر حمدى نورالدين جادالكريم يكتب إنفجار فى يوم جمعة

إنفجار فى يوم جمعه
وناس رايحه تصلى
ومش راجعه
وكام ست منتظره
رجوع زوجها لأولاده
وتسمع صوت كده عالى
يهز الكون بافعاله
ويخطف قلبها الطيب
وكأن عذابها بيحلاله
وتسبقها دموع العين
تتلألأ مابين جفنين
وتنزل نار فى ترحاله
وكام أم منتظره أولادها
وكام آب مات مع أطفاله
فى يوم جمعه
والناس لربها ساعيه وخشعاله
تروح طاهره
واجمل لبس لبساله..
#حمدى_نورالدين