الشاعر حمدى نورالدين جادالكريم يكتب أنا ايه بالنسبه ليك يا بلدى

انا ايه بالنسبة ليك يابلدى
 مالك م تقوليلى وريحينى
هو صحيح انا جزء منك
ولا أنت اتبنتينى
ليه انا عندك رخيص
وأنت غاليه ياضى عينى
متقوليلى عبرينى
حتى بإشارة فهمينى
ولو مفيش وقت عندك للكلام
مش ضرورى تكلمينى
انا مبطلبش منك مستحيل
هما مترين كفن بيهم هتكفنينى
وإن كان ليه فيك مكان
فى ترابك ادفنينى
وأبقى اذكرينى
وخليكى فاكره
إن أنا ابنك إلى مات
على شط بحرك
وأنت واقفه من بعيد بتودعينى..
#حمدى_نورالدين