الشاعر حمدى نورالدين جادالكريم يكتب قصة حياة

قصة حياه
بقلم حمدى نورالدين
بيقولولى أكتب قصيده
عن صوره جافه
وشمعه نايحه
وكام عود ثقاب
فى الجو طاير
والشمعه مجروحه
حزينه ودمها
بجنابها سايل
وقلبها من حر نارها
منزوع وطاير
وإلى واقف تحت منها
بإيده ناره
وإلى منتظر  اشتعاله
وأنت تحتك مقابر
وسماك مالها
مش صافيه ليه
ليه مليانه شحوب
ولا ده سحاب
فى الجو عابر
بيقولولى أكتب قصيده
ياشمعة مجروحه حزينه
متقوليلى بس مالك
مين إلى قلل من شأنك
وهان احترامك
مين إلى كسر فرحتك
وقت اشتعالك
فين الى يقدر يفهمك ويقدرك
وقت انصيهارك
قولى وبلاش نكابر
ووعد منى أرد اعتبارك
مين إلى موت ضحكتك
مين إلى سيل دمعتك
وأنت إلى بتنورى لينا الحياه
ايه بس مالك
بيقولولى أكتب قصيده
من وحى صوره
بس دى مش بس صوره
دى للأسف واقع حياه
حياة قاسيه ومريره
ودموع شموع وويل وآه
وحاجات كتير سكنانه
وكام  ألم  مجهول مداه
بيقولولى أكتب قصيده
عن صوره جافه
ونار بتحرق فى الحياه
والحياة مجروحه واقفه
على شكل شمعه
وقلبها منهوب  صباه
وفتيلها مشدود ناره قايده
متباهى لسه بصباه
معزور مش عارف نهايته
إنها رماد وحسره
ودموع وعويل وآه
بيقولولى أكتب قصيده
والقصيدة قصة حياه..
#حمدى_نورالدين