صرخة أسير
#بقلم حمدى نورالدين جادالكريم
صرخة أسير
ونزيف حياة
وعمر ضايع بالسجون
ودموع عيون
وجراح كتيرة وعذاب وآه
واحتلال غاشم
وظلم للأسف كده
طال مداه
صرخة أسير
فى سجن عدوانى حقير
والله عجايب يا زمن
يبقى البطل مسجون فى أرضه
والخسيس عامل نفيس
وبينهب عزه وأرضه
ولما يقول للظلم لا
يبقى اسير
مسجون ما بين اربع حيطان
وكأنه هو المعتدى
صرخة أسير
تهز أركان الكيان وتزلزله
وتعلمه معنى الصمود
وتأدبه
وتعرفة بئس الأسير
وصبره وقت الشدائد
وأن عمره فى يوم مايخضع
لأى صهيونى حقير
صرخة أسير
أسمع يا أسير يافلسطينى
همك همى
ودمك دمى
وحلمك حلمى
وطينك طينى
أنت أسير
ومكان أسرك
جوه ف عينى
بدعى أنا ربى
أنه يبارك ف فلسطين
أرض وشعب
ويرفع راية الحق
واشوفها بعينى..
#حمدى_نورالدين
18/4/2017
ليست هناك تعليقات:
إرسال تعليق